ప్రముఖ ఒడిశా నటుడు బాబూషాన్ మహంతి వ్యక్తిగత జీవితం ప్రస్తుతం అక్కడి చిత్రసీమలో హాట్టాపిక్గా మారింది. తాజాగా బాబూషాన్ తన కోస్టార్ ప్రకృతి మిశ్రాతో కలిసి కారులో ప్రయాణిస్తుండగా.. అతడి భార్య త్రుప్తి మహంతి రెడ్ హ్యాండెడ్గా పట్టుకుని రోడ్డు మీదే నిలదీసింది.
వారిద్దరూ వివాహేతర సంబంధం పెట్టుకున్నట్లు ఆరోపిస్తూ.. తిట్లతో వారిపై మాటల యుద్ధానికి దిగింది. వారిని కొట్టబోయింది. దీనికి సంబంధించిన వీడియో నెట్టింట్లో వైరల్గా మారింది. ఈ క్రమంలో ప్రకృతి అక్కడి నుంచి వెళ్లిపోవడానికి ప్రయత్నించగా.. త్రుప్తి ఆమె వెనుక పరుగెత్తి మరీ అడ్డుకుని దాడికి యత్నించింది. ప్రకృతి.. తన భర్త నుంచి తనను దూరం చేస్తోందని ఆరోపించింది. కాగా, బాబూషాన్-ప్రకృతి కలిసి నటించిన 'ప్రేమమ్' సినిమా త్వరలోనే విడుదల కానుంది.
ఇదీ చూడండి: యాక్షన్ కింగ్ అర్జున్ ఇంట విషాదం