Aamir Khan Next Movie :బాలీవుడ్ స్టార్ హీరో ఆమిర్ ఖాన్ మరోసారి స్క్రీన్పై కనిపించి ప్రేక్షకులను అలరించనున్నారు. 'లాల్ సింగ్ చడ్డా' సినిమాతో గతేడాది ఆడియెన్స్ను పలకరించిన ఆయన.. తన ఫ్యామిలీతో సమయం గడిపేందుకు సినిమాలకు కాస్త బ్రేక్ ఇచ్చారు. ఈ క్రమంలో 'లాల్ సింగ్ చడ్డా' తర్వాత ఆయన ఎటువంటి ప్రాజెక్టును ప్రకటించలేదు. దీంతో ఆయన ఫ్యాన్స్ కాస్త నిరాశకు లోనయ్యారు. అయితే తాజాగా ఆమిర్ సినిమాల్లోకి ఎంట్రీ ఇచ్చేందుకు రెడీగా ఉన్నారట. ఇందుకోసం ఇప్పటికే సన్నాహాలు కూడా జోరుగా జరుగుతున్నాయట. దీనికి సంబంధించిన వివరాలను ప్రముఖ ట్రేడ్ అనలిస్ట్ తరణ్ ఆదర్శ్ తన సోషల్ మీడియాలో పేర్కొన్నారు.
ఆమిర్ తన సొంత బ్యానర్పై ఈ సినిమాను నిర్మించనుండగా.. 'ప్రొడక్షన్ నెెం 16'గా ఈ సినిమా రూపొందనుంది. ప్రస్తుతం ప్రీ ప్రొడక్షన్ పనులను పూర్తి చేసుకుంటున్న ఈ సినిమా 2024 జనవరిలో సెట్స్పైకి వెళ్లనుంది. ఈ సినిమా రిలీజ్ డేట్ను 2024 డిసెంబర్ 20గా ఫిక్స్ చేశారట. ఇక ఈ సినిమా గురించి మరిన్ని విషయాలు తెలియాల్సి ఉంది.
Aamir Khan Movies : ఇక ఆమిర్ కెరీర్ విషయానికి వస్తే.. 'దంగల్', 'పీకే', 'త్రీ ఇడియట్స్', లాంటి సినిమాలతో బ్లాక్ బస్టర్స్ అందుకున్నారు, ఆమిర్.. బ్రేక్ తీసుకునే ముందు 'థగ్స్ ఆఫ్ హిందుస్థాన్', 'లాల్ సింగ్ చడ్డా' సినిమాల్లో నటించారు. భారీ అంచనాల మధ్య విడుదలైన ఈ రెండు సినిమాలు బాక్సాఫీస్ వద్ద అనుకున్న స్థాయిలో రాణించలేకపోయాయి. సుమారు రూ.180 కోట్ల బడ్జెట్‌తో రూపొందిన 'లాల్ సింగ్ చడ్జా'.. బాక్సాఫీస్ వద్ద కేవలం రూ. 129 కోట్లను మాత్రమే వసూలు చేయగలిగింది.