90's A Middle Class Biopic Etv Win:టాలీవుడ్ సీనియర్ నటుడు శివాజీ కీ రోల్లో నటించిన '90s ఏ మిడిల్ క్లాస్ బయోపిక్' వెబ్సిరీస్ జనవరి 5నుంచి 'ఈటీవీ విన్' ఓటీటీ ప్లాట్ఫామ్లో స్ట్రీమింగ్ అవుతోంది. ఆదిత్య హాసన్ ఈ వెబ్సిరీస్కు దర్శకత్వం వహించారు. ఇంటర్నెట్, టెక్నాలజీతో ఇప్పటితరం పిల్లలు స్మార్ట్గా గడిపేస్తున్నారు. అయితే 1990ల్లో స్మార్ట్ ఫోన్ల వినియోగం అంతగా లేని అప్పటి జీవితాల్ని '90s ఏ మిడిల్ క్లాస్ బయోపిక్'లో(90s web series Ott) అద్భుతంగా చూపించారు.
మధ్యతరగతి కుటుంబ నేపథ్యంలో రూపొందిన ఈ సిరీస్ అన్ని వర్గాల ప్రేక్షకులను ఆకట్టుకుంటోంది. కామెడీ, ఎమోషన్స్, కుటుంబ విలువలు కలబోసి మొత్తం ఆరు ఎపిసోడ్లతో ఉన్న ఈ సిరీస్ ప్రస్తుతం నెట్టింట ట్రెండింగ్లో ఉంది. గత మూడు రోజుల నుంచి ఈ సిరీస్ ఈటీవీ విన్లో టాప్ ప్లేస్లో స్ట్రీమింగ్ అవుతోంది. ఇప్పటికే ఈ సిరీస్ 80+ మిలియన్ మినిట్స్ వ్యూస్ సొంతం చేసుకుంది.
సోషల్ మీడియాలో సైతం '90s ఏ మిడిల్ క్లాస్ బయోపిక్'కు విశేష స్పందన లభిస్తోంది. కుటుంబమంతా కలిసి చూడాల్సిన వెబ్సిరీస్ అంటూ నెటిజన్లు కామెంట్లు పెడుతున్నారు. 'చిన్ననాటి జ్ఞాపకాలను గుర్తుతెచ్చింది' అని ఓ నెటిజన్ కామెంట్ చేయగా, 'తప్పక చూడాల్సిన వెబ్ సిరీస్ ఇది' అంటూ సోషల్ మీడియా యూజర్ అభిప్రాయపడ్డారు.