అగ్రస్థానంలో బంగాల్​... చివర్లో బిహార్!

ప్రపంచంలోనే అత్యంత క్లిష్టమైన భారత ఎన్నికల ప్రక్రియ తొలి విడత ముగిసింది. క్యూలో నిల్చున్న ఓటర్లకూ ఓటు వేసే అవకాశం కల్పించనున్నారు. 91 లోక్​సభ స్థానాలతో పాటు, 4 రాష్ట్రాల అసెంబ్లీ ఎన్నికలకు ఓటింగ్​ పూర్తయింది. మరో 6 దశల పోలింగ్​ ముగిసిన అనంతరం మే 23న ఫలితాలు వెల్లడించనున్నారు.

18 రాష్ట్రాలు, 2 కేంద్రపాలిత ప్రాంతాల్లో మొదటి విడత ఎన్నికల అంకం ముగిసింది. ఓటర్లు ఎంతో ఉత్సాహంగా ఓటింగ్​ ప్రక్రియలో పాలుపంచుకున్నారు. కొన్ని రాష్ట్రాల్లో తొలుత జోరుగా ప్రారంభమైన ఓటింగ్​... తర్వాత మందకొడిగా సాగింది. పశ్చిమ్​బంగ, త్రిపురలో అత్యధికంగా ఓటు వినియోగించుకోవడానికి తరలివచ్చారు. సాయంత్రం 5 గంటల వరకు నమోదైన పోలింగ్ శాతాన్ని కేంద్ర ఎన్నికల సంఘం ఉప అధికారి ఉమేశ్ సిన్హా వెల్లడించారు.

మరికొద్ది గంటల్లో మొత్తం పోలింగ్​ శాతంపై స్పష్టత రానుంది. ఎన్నికల యంత్రాంగం సమష్టి కృషితో పకడ్బందీగా ఎన్నికలు నిర్వహించింది ఈసీ. కొన్నిచోట్ల చెదురుమదురు ఘటనలు మినహా పోలింగ్​ ప్రశాంతంగా సాగింది. ప్రముఖ రాజకీయ నాయకులు, సంఘ సంస్కర్తల పిలుపుతో ఓటర్లు భారీగా ఓటు హక్కు వినియోగించుకున్నారు. ఓటును తమ బాధ్యతగా నిర్వర్తించుకున్నారు.

వివిధ రాష్ట్రాల్లో పోలింగ్​ సరళి ఇలా ఉంది.

రాష్ట్రం	పోలింగ్​ శాతం
పశ్చిమ్​బంగ	81
త్రిపుర	81.8
మణిపుర్	78.2
నాగాలాండ్	78
అసోం	68
మిజోరం	60
మేఘాలయ	67.16
తెలంగాణ	61
ఉత్తరాఖండ్	57.85
లక్షద్వీప్	51.25
ఆంధ్రప్రదేశ్	70.67
అరుణాచల్ ప్రదేశ్​	66
సిక్కిం	69
జమ్ము కశ్మీర్​	54.49
బిహార్	50