ఇందిరానగర్ బస్తీలో యువకుడి అనుమానాస్పద మృతి

హైదరాబాద్ మంగళ్​హాట్​ పోలీస్ స్టేషన్ పరిధిలోని ఇందిరానగర్ బస్తీలో ఓ యువకుడు అనుమానాస్పద రీతిలో మృతి చెందాడు. అతని కుటుంబ సభ్యులు, బంధువులు.. అది హత్యేనని ఆరోపించారు.

హైదరాబాద్ మంగళ్​హాట్​ పోలీస్ స్టేషన్​ పరిధిలోని ఇందిరానగర్​ బస్తీలో రామ్ అనే యువకుడు అనుమానాస్పద రీతిలో మృతి చెందాడు. విషయం తెలుసుకున్న పోలీసులు సంఘటనాస్థలికి చేరుకుని కేసు నమోదు చేసుకున్నారు. రామ్ మద్యం మత్తులో పడిపోయి తలకు గాయం కావడంతో మృతి చెందాడని పోలీసులు తెలిపారు.

మరోవైపు అతని కుటుంబ సభ్యులు, బంధువులు మాత్రం.. రామ్​ది కచ్చితంగా హత్యేనని ఆరోపిస్తున్నారు. పోలీసులు మృతదేహాన్ని పోస్టుమార్టం నిమిత్తం ఉస్మానియాకు తరలించారు. అతనిది హత్యా లేక కింద పడి మరణించాడా అనే కోణంలో దర్యాప్తు చేస్తున్నారు.

• ఇదీ చదవండిచర్ల మండలంలో మావోయిస్టు మిలీషియా సభ్యులు అరెస్టు