బావిలో పడి యువకుడు మృతి

తోటి స్నేహితులతో కలిసి ఈతకు వెళ్లిన ఓ యువకుడు ప్రమాదవశాత్తు మరణించాడు. ఈ ఘటన నాగర్ కర్నూల్ జిల్లాలో జరిగింది.

నాగర్ కర్నూల్ జిల్లా కొల్లాపూర్ మండలం ఎల్లూర్​లో యువకుడు ఈతకు వెళ్లి ప్రమాదవశాత్తు బావిలో పడి మంగళవారం మృతి చెందాడు. వేసవి కావడంతో తోటి స్నేహితులతో కలిసి వెంకటేష్(18)ఈతకు వెళ్లాడు. కానీ ఈత రాకపోవడంతో అతను బావి గడ్డపై కూర్చున్నాడు.

ప్రమాదవశాత్తు గడ్డపై ఉన్న ఆ యువకుడు బావిలో పడ్డాడు. నీళ్లు ఎక్కువగా ఉండడంతో అడుగుకు చేరుకున్నాడు. దీంతో అగ్నిమాపక సిబ్బంది సహాయంతో మృతుడిని వెలికి తీశారు. ఘటనపై ఫిర్యాదు అందలేదని ఎస్సై మురళి గౌడ్ పేర్కొన్నారు.

ఇదీ చూడండి :రోడ్డు ప్రమాదంలో అన్నాచెల్లెలు దుర్మరణం