అనుమానాస్పద స్థితిలో యువకుడి మృతి.. కుటుంబీకుల ఆందోళన

రంగారెడ్డి జిల్లా మొయినాబాద్​లోని మామిడితోటలో ఓ యువకుడు అనుమానాస్పద స్థితిలో మృతి చెందాడు. మృతుడి శరీరంపై గాయాలు ఉండటంతో తోట యజమానే తమ కుమారుడిని హత్య చేసి ఉంటాడని ఆరోపిస్తూ కుటుంబీకులు ఆందోళనకు దిగారు.

రంగారెడ్డి జిల్లా కర్మన్​ఘాట్ దుర్గానగర్​లో విషాదం చోటుచేసుకుంది. ఆనంద్​ అనే యువకుడు మొయినాబాద్​లోని ఓ మామిడితోటలో అనుమానాస్పద స్థితిలో మృతి చెందాడు. ఆనంద్​ దుర్గానగర్ కాలనీకి చెందిన డాక్కుమెంటరీ రైటర్ రాములు ఇంట్లో అద్దెకుండేవాడు. అతడికి చెందిన మామిడి తోటలోనే చనిపోయాడు. మృతుడి శరీరంపై గాయాలు ఉండటంతో ఆనంద్​ను హత్య చేశారంటూ కుటుంబీకులు రాములు ఇంటిముందు బైఠాయించి ఆందోళనకు దిగారు.

ఘటనా స్థలికి చేరుకున్న పోలీసులు పోస్టుమార్టం నిమిత్తం మృతదేహాన్ని ఉస్మానియా ఆసుపత్రికి తరలించారు. కేసు నమోదు చేసుకుని దర్యాప్తు చేస్తున్నారు.