'కేటీఆర్​ను కలవడానికి వెళ్తే.. లాఠీ ఛార్జ్​ చేశారు'

సమస్యలను విన్నవించుకోవడానికి పర్యటనకు వచ్చిన మంత్రి కేటీఆర్​ దగ్గరకు వెళ్తే.. పోలీసులు అన్యాయంగా తనపై లాఠీ ఛార్జ్​ చేశారంటూ ఓ మహిళ అవేదన వ్యక్తం చేసింది. న్యాయం కోసం వెళ్తే.. దౌర్జన్యం చేయడమేంటని ప్రశ్నించింది. పోలీసులపై చర్యలు తీసుకోవాలంటూ మానవ హక్కుల కమీషన్​ను ఆశ్రయించింది.

పోలీసులు తనపై అకారణంగా లాఠీ ఛార్జ్​ చేశారంటూ.. ఓ మహిళ మానవ హక్కుల కమిషన్​ను ఆశ్రయించారు. వారిపై చర్యలు తీసుకొని తనకు న్యాయం చేయాలని డిమాండ్ చేశారు. మంత్రి కేటీఆర్​ ఈనెల 12న వరంగల్‌ జిల్లా లక్ష్మీపురంలో పర్యటించారు. స్థానికురాలు దేవి.. మంత్రి​ని కలిసి సమస్యలను విన్నవించుకునే ప్రయత్నం చేశారు. అక్కడే ఉన్న పోలీసులు తనను అడ్డుకోవడమే కాక.. అన్యాయంగా తనపై దాడి చేశారంటూ ఆమె ఆవేదన వ్యక్తం చేస్తున్నారు.

మానవ హక్కుల కమీషన్​ను ఆశ్రయించిన మహిళ

గతంలో గ్రామాన్ని సందర్శించిన మంత్రి.. తమ ఇంటికి వచ్చి టీ తాగి, తమకు డబుల్‌ బెడ్‌రూమ్‌ ఇళ్లు నిర్మించి ఇస్తామని హామీ ఇచ్చారని బాధిత మహిళ గుర్తు చేశారు. ఆ విషయమై కేటీఆర్​ను కలవాలని ప్రయత్నించినట్లు వివరించారు. తన వద్దనున్న పేపర్లు, ఆధార్‌ కార్డు జిరాక్స్​ పత్రులను లాక్కొని, తనపై పోలీసులు లాఠీ ఛార్జ్ చేశారని వాపోయారు. బీసి సంఘం నేత దాసు సురేశ్.. ఘటనను తీవ్రంగా ఖండించారు.

ఇదీ చదవండి:నాగార్జునసాగర్​లో ముగిసిన ఎన్నికల ప్రచారం