woman suspicious death: పాతబస్తీలో మహిళ అనుమానాస్పద మృతి.. కారణం అదేనా?

హైదరాబాద్ పాతబస్తీలో ఓ మహిళ అనుమానాస్పదంగా మృతి(woman suspicious death) చెందింది. ఈవెంట్ ఆర్గనైజర్​ అసిస్టెంట్​గా పనిచేసే ఫాతిమా శరీన్ ఆదివారం రాత్రి మృతి చెందింది. దీనిపై పోలీసులు ముమ్మరంగా దర్యాప్తు చేస్తున్నారు.

హైదరాబాద్ పాతబస్తీలో ఓ మహిళ అనుమానాస్పద స్థితిలో మృతి(woman suspicious death) చెందింది. ఫలక్​నుమా పోలీస్ స్టేషన్ పరిధిలోని వట్టేపల్లిలో నివాసముండే శరీన్ ఫాతిమా ఆదివారం రాత్రి అనుమానాస్పదంగా మృతి చెందింది. సమాచారం అందుకున్న పోలీసులు... ఘటనా స్థలానికి చేరుకొని క్లూస్ టీంతో దర్యాప్తు చేస్తున్నారు. మృతదేహాన్ని పోస్టుమార్టం కోసం ఉస్మానియా మార్చురీకి తరలించారు.

మృతురాలి భర్త ఏడాదిన్నర క్రితం ఆత్మహత్యకు పాల్పడ్డాడని స్థానికులు తెలిపారు. ఆమెకు ఏడుగురు పిల్లలు ఉన్నారని... ఈవెంట్ ఆర్గనైజర్​ అసిస్టెంట్​గా పనిచేసేదని తెలిపారు. ఆమెకు పాతబస్తీకి చెందిన ఓ వ్యక్తితో వివాహేతర సంబంధం ఉందని... గతంలో ఇరువురి మధ్య గొడవలు కూడా జరిగాయని స్థానికులు చెప్పారు. ఈ ఘటనకు సంబంధించి ఆ వ్యక్తి పై కూడా అనుమానాలు ఉన్నాయని పోలీసులు అంటున్నారు.

మృతురాలి ఇంట్లోనే మద్యం బాటిల్ దొరకడం... ఆమె గొంతు నులిమినట్లు గాయాలు ఉండడం వల్ల ఈ మృతిపై పలు అనుమానాలు ఉన్నట్లు పోలీసులు తెలిపారు. క్లూస్ టీంను రప్పించి ఆధారాలు సేకరించినట్లు వెల్లడించారు. మహిళ అనుమానాస్పద మృతిపై ముమ్మరంగా దర్యాప్తు చేస్తున్నారు.

ఇదీ చదవండి:Car theft in Hyderabad : టెకీ కారు కొట్టేశారు.. టెక్నాలజీకి దొరికేశారు