Woman Suicide Attempt At CM Camp Office: ఆంధ్రప్రదేశ్లోని గుంటూరు జిల్లా తాడేపల్లిలోని సీఎం జగన్ కార్యాలయం సమీపంలో కాకినాడకు చెందిన ఆరుద్ర అనే మహిళ ఆత్మహత్యకు యత్నించింది. అచేతన స్థితిలో ఉన్న తన కుమార్తెను కాపాడాలని వేడుకునేందుకు ఆ మహిళ కాకినాడ నుంచి తాడేపల్లిలోని సీఎం కార్యాలయానికి వచ్చింది. ఇల్లు అమ్ముకోనీయకుండా మంత్రి దాడిశెట్టి రాజా గన్‌మెన్ బెదిరిస్తున్నారని స్పందన కార్యక్రమంలో సీఎంవో అధికారులకు ఫిర్యాదు చేసింది.
ఫిర్యాదు స్వీకరించిన కార్యాలయ సిబ్బంది.. సీఎంను కలిసేందుకు అనుమతించలేదు. దాంతో ఇక తనకు న్యాయం జరగదని ఆందోళన చెందిన ఆరుద్ర.. మణికట్టుపై కోసుకుని ఆత్మహత్యకు యత్నించింది. అపస్మారకస్థితిలో ఉన్న ఆరుద్రను స్థానికులు, పోలీసులు విజయవాడ ప్రభుత్వాస్పత్రికి తరలించారు.