No safety for Women in KBR park: హైదరాబాద్ బంజారాహిల్స్‌లోని కేబీఆర్ పార్కులో మహిళలకు రక్షణ లేకుండా పోతోంది. గుర్తు తెలియని దుండగులు మహిళలపట్ల అసభ్యకరంగా ప్రవర్తిస్తున్నారు. కేబీఆర్ పార్క్ వాక్ వేలో శనివారం ఉదయం ఓ దుండగుడు.. మహిళపట్ల అసభ్యంగా ప్రవర్తించిన ఘటన ఆలస్యంగా వెలుగులోకి వచ్చింది.
శనివారం ఉదయం 5 గంటల 45నిమిషాల సమయంలో కేబీఆర్ పార్కుకు ఓ మహిళ తన భర్తతో కలిసి వాకింగ్కు వెళ్లారు. కాసేపటికి వాక్ వే లో వాకింగ్ చేస్తున్న మహిళను దుండగుడు వెంబడించాడు. నిర్మానుష్య ప్రాంతంలో ఆమెను పట్టుకుని అసభ్యంగా ప్రవర్తించాడు. భయాందోళనకు గురైన ఆమె కేకలు వేయడంతో భర్త అక్కడికి వచ్చారు. ఆ లోపే దుండగుడు పారిపోయాడు. అనంతరం బాధితురాలు భర్తతో కలిసి పోలీసులకు ఫిర్యాదు చేశారు.