దారుణం: మద్యం మత్తులో అల్లుడిని చంపిన మామ

మద్యం మత్తులో అల్లుడినే కొట్టి చంపాడో మామ. ఈ ఘటన ఏపీ విశాఖ జిల్లా పెందుర్తి మండలం చిన్నముసిడివాడ పాతూరులో జరిగింది. కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.

కొత్తపల్లి చిన్న

ఆంధ్రప్రదేశ్​లోని విశాఖ జిల్లా పెందుర్తి మండలం చిన్నముసిడివాడ పాతూరులో ఓ మామ అల్లుడిని చంపాడు. పెయింటర్​గా పనిచేసే కొత్తపల్లి చిన్న అనే వ్యక్తిని మామ శంకర్ హత్య చేశాడు. మద్యం మత్తులో అల్లుడితో మామ శంకర్‌, బావమరిది అశోక్‌ గొడవపడ్డారు. కొద్దిసేపటికే ఘర్షణ పెద్దదైంది.

విచక్షణ కోల్పోయిన మామ రాడ్డు​తో అల్లుడి తలపై బలంగా కొట్టగా.. చిన్న అక్కడిక్కడే మృతి చెందాడు. ఇద్దరినీ అదుపులోకి తీసుకుని.. కేసు నమోదు చేసుకున్నట్లు పోలీసులు తెలిపారు.

ఇదీ చూడండి.జోగులాంబ ఆలయం హుండీ ఆదాయం 50లక్షల పైనే...