Brothers suicide attempted: పోలీసుల వేధింపులు తట్టుకోలేక అన్నదమ్ములు ఇద్దరు ఆత్మహత్యాయత్నం చేసుకున్న ఘటన జగిత్యాల జిల్లా మల్యాల మండల కేంద్రంలో జరిగింది. మండల కేంద్రంలోని అంబేడ్కర్ చౌరస్తా వద్ద ఇదే మండలం బల్వంతాపూర్ గ్రామానికి చెందిన రవీందర్రెడ్డి, రాజేశ్వర్రెడ్డి ఇద్దరు పురుగులు మందు తాగి ఆత్మహత్యాయత్నం చేశారు. బాధితుడు తెలిపిన వివరాలు ప్రకారం అన్నదమ్ములైన రవీందర్రెడ్డి, రాజేశ్వర్రెడ్డి ద్విచక్ర వాహనంపై వెళ్తుండగా పోలీసులు వారిని అడ్డుకున్నారు.
అందులో వికలాంగుడైన అన్నయ్యను పోలీసులు దుర్బాషలు ఆడగా తమ్ముడు సెల్ ఫోన్లో వీడియో తీసే ప్రయత్నం చేశాడు. దీంతో పోలీసులు వారి బైక్ను, సెల్ ఫోన్ను స్టేషన్కు తీసుకొని వెళ్లిపోయారు. అప్పటి నుంచి వారిని రోజూ మానసిక ఆవేదనకు గురిచేస్తున్నారని బాధితులు వాపోయారు. పోలీసు స్టేషన్లో ఫిర్యాదు చేస్తున్న కనీసం పట్టించుకోవడం లేదని వారు కంటతడిపెట్టారు. దీంతో చివరికి ఆత్మహత్యాయత్నం చేసుకోవాల్సి వచ్చిందని వారు ఆవేదన వ్యక్తం చేశారు. ఈ ఘటనపై ఉన్నతాధికారులు విచారణ ప్రారంభించారు. బాధితులు ఇద్దరు ఆసుపత్రిలో కోలుకుంటున్నారు.