ఉగాండా నుంచి వచ్చి వ్యభిచారం.. యువతులు అరెస్ట్​

పర్యాటక వీసాతో నగరానికి వచ్చి.. ఆన్​లైన్​ డేటింగ్​ యాప్​ ద్వారా రహస్యంగా వ్యభిచారం నిర్వహిస్తూ ఐదుగురు మహిళలు పోలీసులకు పట్టుబడ్డారు. ప్రత్యేకంగా ఆపరేషన్​ నిర్వహించిన రాచకొండ, మానవ అక్రమ రవాణా నిరోధక బృందం వారిని వల వేసి పట్టుకున్నారు. నిందితులను అరెస్టు చేసి రిమాండ్​కు తరలించారు.

పర్యాటక వీసాతో ఉగాండా నుంచి హైదరాబాద్​ నగరానికి వచ్చి వ్యభిచారం నిర్వహిస్తున్న ఐదుగురిని రాచకొండ పోలీసులు అరెస్ట్ చేశారు. ఆన్​లైన్​ లొకాంటో డేటింగ్​ యాప్​ ద్వారా వీరు వ్యభిచారం నిర్వహిస్తున్నట్లు తెలుసుకున్న పోలీసులు ప్రత్యేక ఆపరేషన్​ చేపట్టారు. లొకాంటో డేటింగ్​ వెబ్​సైట్​లో వ్యభిచార నిర్వాహకుల వివరాలు సేకరించిన మానవ అక్రమ రవాణా నిరోధక బృందం, చైతన్యపురి పోలీసులు డెకాయ్ ఆపరేషన్ నిర్వహించారు. చైతన్యపురిలోని ఓ లాడ్జ్​కు రావాల్సిందిగా నిర్వాహకురాలు సూచించడంతో.. సాధారణ దుస్తుల్లో పోలీసులు అక్కడికి చేరుకున్నారు. ముగ్గురు ఉగాండా యువతులు అక్కడికి రాగానే వారిని అదుపులోకి తీసుకున్నారు. వారి ద్వారా సేకరించిన సమాచారం ఆధారంగా మరో ఇద్దరిని అదుపులోకి తీసుకున్నారు.

వారి నుంచి 22గ్రాముల మత్తుపదార్థాలు, 5 చరవాణీలను పోలీసులు స్వాధీనం చేసుకున్నారు. ఐదుగురినీ అరెస్ట్ చేసి రిమాండ్​కు తరలించారు. వీసా గడుపు తీరినా నగరంలోనే ఉంటున్నట్లు పోలీసుల దర్యాప్తులో తేలడంతో సంబంధిత అధికారులకు సమాచారం ఇచ్చారు.

ఇదీ చదవండి:జూబ్లీహిల్స్ అపోలో ఆస్పత్రి వద్ద ఉద్రిక్తత