ఎంజీబీఎస్ వద్ద రోడ్డు ప్రమాదం.. ఇద్దరు మృతి

వేడుకకు హాజరై తిరిగి ఇంటికి వెళ్తున్న ఇద్దరు యువకుల్ని మృత్యువు కబళించింది. రోడ్డుపై ఉన్న గుంతను తప్పించబోయి కింద పడిన వారిపైనుంచి లారీ దూసుకెళ్లింది. ప్రమాదంలో ఇద్దరూ అక్కడికక్కడే మృతి చెందారు. ఈ ఘటన హైదరాబాద్​ మీర్​చౌక్ పోలీస్​ స్టేషన్​ పరిధిలో జరిగింది.

హైదరాబాద్​ పాతబస్తీ ఎంజీబీఎస్ వద్ద ప్రధాన రహదారిపై ఘోర రోడ్డు ప్రమాదం జరిగింది. ఈ ఘటనలో ఇద్దరు యువకులు అక్కడికక్కడే మృతి చెందారు. వేడుకకు హాజరై తిరిగి ఇంటికి ద్విచక్రవాహనంపై వెళ్తుండగా ఈ ప్రమాదం చోటుచేసుకుంది. రోడ్డుపై ఉన్న గుంతను తప్పించబోయి వారు కింద పడగా.. ఎదురుగా వస్తున్న లారీ వారిమీదుగా దూసుకెళ్లింది.

మృతులు చాదర్​ఘాట్ మూసానగర్ ప్రాంతానికి చెందిన ఫసీఖాన్(19), మోసీన్‌(23)గా మీర్​చౌక్ పోలీసులు గుర్తించారు. మృతదేహాలను ఉస్మానియా ఆస్పత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నారు. స్థానిక ఎమ్మెల్యే అహ్మద్ బలాల ఘటనా స్థలాన్ని పరిశీలించారు. ఉస్మానియా ఆస్పత్రికి వెళ్లి మృతుల కుటుంబసభ్యులను పరామర్శించారు.

ఇదీ చూడండి: కాల్వలోకి దూసుకెళ్లిన కారు... ఒకే కుటుంబంలో ముగ్గురు మృతి