ఇద్దరు మావోయిస్టు సానుభూతిపరులు అరెస్ట్

ఇద్దరు మావోయిస్టు సానుభూతిపరులు పోలీసులకు చిక్కారు. వారి నుంచి 2 సంచుల పేలుడు పదార్థాలను స్వాధీనం చేసుకున్నారు. గతంలోనూ వీరు మావోయిస్టులకు సామాగ్రి అందించే కేసుల్లో నిందితులుగా ఉన్నట్లు భద్రాచలం ఏఎస్పీ తెలిపారు.

భద్రాద్రి కొత్తగూడెం జిల్లా దుమ్ముగూడెం మండలంలో ఇద్దరు మావోయిస్టు సానుభూతిపరులను పోలీసులు అరెస్ట్​ చేశారు. మేడ్చల్ జిల్లా షామీర్​పేట మండలానికి చెందిన మత్తు నాగరాజు, కొమ్మరాజు కనకయ్యగా వీరిని గుర్తించారు. హైదరాబాద్ నుంచి దుమ్ముగూడెం మీదుగా భారీగా పేలుడు పదార్థాలు తీసుకెళ్తుండగా.. పోలీసులు పట్టుకున్నట్లు ఏఎస్పీ డా.వినీత్ తెలిపారు.

పోలీసులను చూసి పారిపోతున్న వారిని వెంబడించి పట్టుకున్నారు. వారి నుంచి 2 సంచుల్లో ఉన్న పేలుడు పదార్థాలను స్వాధీనం చేసుకున్నారు. గతంలోనూ వీరు మావోయిస్టులకు సామాగ్రి అందించే కేసుల్లో నిందితులుగా ఉన్నట్లు ఏఎస్పీ తెలిపారు. వీరిని అరెస్టు చేసి రిమాండ్​కు తరలించామన్నారు.

ఇదీ చూడండి: సరదాగా బైక్​పై వెళ్లిన బాలుడు.. వెంటాడిన మృత్యువు