కామారెడ్డి జిల్లాలో ఘోర రోడ్డు ప్రమాదం చోటుచేసుకుంది. మాచారెడ్డి మండలం పాల్వంచ మర్రి వద్ద ద్విచక్రవాహనంపై వెళ్తున్న వారిని.. ఎదురుగా వస్తున్న కారు ఢీకొట్టింది. ఈ ఘటనలో బైక్పై ఉన్న ఇద్దరు వ్యక్తులకు తీవ్ర గాయాలయ్యాయి.
బైక్ను ఢీకొట్టిన కారు
రాజన్న సిరిసిల్ల జిల్లా గంభీరావుపేట్ మండలం గజసింగవరం గ్రామానికి చెందిన అల్లెపు రాము(36) ద్విచక్రవాహనంపై కామారెడ్డి వైపు వెళ్తుండగా.. కామారెడ్డి జిల్లా మాచారెడ్డి మండలం చింతల్ గ్రామం వద్ద హల్వాల మణెవ్వ(35) రామును లిఫ్ట్ అడిగారు. రాము లిఫ్ట్ ఇవ్వగా.. ద్విచక్రవాహనంపై ఇద్దరు బయలుదేరారు. మార్గమధ్యలో పాల్వంచమర్రి వద్దకు రాగానే..ఎదురుగా వస్తున్న కారు.. వేగంగా వచ్చి ఢీకొట్టడంతో బైక్పై నుంచి ఇద్దరు ఎగిరిపడ్డారు. ఈ ఘటనలో ఇద్దరు వ్యక్తులు తీవ్రగాయాల పాలయ్యారు.