పాతకక్షలు పచ్చని పల్లెల్లో కలకలం సృష్టిస్తున్నాయి. రెండు వర్గాల మధ్య జరిగిన గొడవలో ఐదుగురికి తీవ్రగాయాలు కాగా.. మరో ఇద్దరు స్వల్పంగా గాయపడ్డారు. ఈ ఘటన నిజామాబాద్ జిల్లా నవీపేట మండలం ఫకీరాబాద్ గ్రామంలో జరిగింది. క్షతగాత్రులను జిల్లా ప్రభుత్వ ఆస్పత్రికి తరలించి చికిత్స అందిస్తున్నారు. ఈ ఘర్షణలో అనిల్, గంగాధర్, నరేందర్, లింగన్న, నారాయణలకు తీవ్రగాయాలయ్యాయి.
కత్తులతో ఇరువర్గాల ఘర్షణ... ఐదుగురికి తీవ్ర గాయాలు - ఫకీరాబాద్‌లో ఇరువర్గాల ఘర్షణ
నిజామాబాద్‌లో పాతకక్షలు భగ్గుమన్నాయి. జిల్లాలోని నవీపేట మండలం ఫకీరాబాద్‌లో రెండు వర్గాలు పరస్పరం గొడవకు దిగాయి. ఒకరిపై ఒకరు కత్తులు, కర్రలతో మూకుమ్మడిగా దాడులు చేసుకున్నాయి. ఈ ఘటనలో ఐదుగురికి తీవ్ర గాయాలు కాగా.. మరో ఇద్దరు స్వల్పంగా గాయపడ్డారు.
నిజామాబాద్ జిల్లా నవీపేట మండలం ఫకీరాబాద్ గ్రామంలో ఇరువర్గాల దాడులు
గ్రామానికి చెందిన రెడ్డిపల్లి గంగాధర్ ,చిల్లర్గ నారాయణ కుటుంబాలు పరస్పరం దాడులు చేసుకున్నాయి. గొడవలకు పాత కక్షలే కారణమని గ్రామస్థులు చెబుతున్నారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.