బావిలో పూడిక తీస్తుండగా ప్రమాదం.. ఇద్దరు రైతులు మృతి

12:17 February 25

బావిలో పూడిక తీస్తుండగా ప్రమాదం.. ఇద్దరు రైతులు మృతి

సిద్దిపేట జిల్లా హుస్నాబాద్​ మండలం బల్లూనాయక్​ తండాలో విషాదం చోటుచేసుకుంది. లావుడ్య దుర్గ వ్యవసాయ బావిలో పూడిక తీస్తుండగా ప్రమాదవశాత్తు క్రేన్ బావిలోకి పడిపోయింది. దీంతో బావిలో పనిచేస్తున్న నలుగురి మీద క్రేన్ పడి లావుడ్య బీమా, లావుడ్య శాంతి అనే ఇద్దరు రైతులు అక్కడికక్కడే మృతి చెందారు. మరో ఇద్దరిలో ఒకరు గాయాలతో బయటపడగా, మరొకరు ఇస్లావత్ వెంకన్న పరిస్థితి విషమంగా ఉంది. క్షతగాత్రులను హుస్నాబాద్​ ప్రభుత్వ ఆస్పత్రికి తరలించారు.  

మృతులు బల్లూ నాయక్ తండాకు చెందిన వారు కావడంతో తండాలో విషాద ఛాయలు అలముకున్నాయి.

ఇదీ చదవండి:ఉరి వేసుకుని మైనర్‌ బాలుడి ఆత్మహత్య