నల్గొండ జిల్లా త్రిపురారంలో రెండు బైక్‌లు ఢీకొని మంటలు చెలరేగాయి. ఘటనలో ఒక వ్యక్తికి తీవ్రగాయాలయ్యాయి. బాబుసాయిపేటకు చెందిన కాటేపల్లి మల్లయ్య.. దుకాణంలో పెట్రోల్ అమ్మేందుకు బైక్పై వెళ్తున్నాడు. ఆ సమయంలో త్రిపురారం వద్దకు రాగానే ఎదురుగా వస్తున్న మరో ద్విచక్రవాహనం ఢీకొట్టింది.
ప్రమాదంలో బైక్ రోడ్డుపై పడటంతో పెట్రోల్ కారణంగా మంటలు చెలరేగాయి. ఆ మంటలు మల్లయ్యకు అంటుకోవడంతో... అతని శరీరం కాలిపోయింది. పక్కనే ఉన్న దాబా సిబ్బంది వెంటనే స్పందించి మంటలు ఆర్పినప్పటికీ... అప్పటికే మల్లయ్య తీవ్రంగా గాయపడ్డారు. చికిత్స నిమిత్తం క్షతగాత్రుడిని మిర్యాలగూడ ఆస్పత్రికి తరలించారు.
ఇదీ చదవండి:Gachibowli Accident: సరదాగా సాగిన వాళ్ల ఫ్రెండ్షిప్డే.. తీరని విషాదంతో ముగిసింది