Accidents on Rajiv Road: కరీంనగర్ జిల్లా తిమ్మాపూర్ పోలీస్ స్టేషన్ సమీపంలో రాజీవ్ రహదారిపై ఓ ఆటో రోడ్డు ప్రమాదానికి గురైంది. జనగామ జిల్లా పాలకుర్తికి చెందిన కుటుంబీకులు.. ఆటోలో వేములవాడ దైవదర్శనానికి వెళ్తుండగా ఇన్నోవా కారు వెనుక నుంచి బలంగా ఢీకొట్టింది. దీంతో ఓ వృద్ధురాలు తీవ్ర గాయాలతో అక్కడికక్కడే మృతి చెందింది. ఆటోలో మొత్తం 20 మంది ప్రయాణిస్తున్నారు. ముగ్గురు మహిళలు, నలుగురు పురుషులకు తీవ్ర గాయాలయ్యాయి. మిగతా వారు స్వల్ప గాయాలతో బయటపడ్డారు. క్షతగాత్రులను 108 వాహనంలో కరీంనగర్ జిల్లా ప్రభుత్వ ఆస్పత్రికి తరలించారు. వీళ్లంతా ఒకటే కుటుంబానికి చెందినవారు కావడం గమనార్హం.
డివైడర్ను ఢీకొట్టిన కారు..
రాజీవ్ రహదారిపైనే మరో ప్రమాదం చోటుచేసుకుంది. మానకొండూరు మండలం నుస్తులాపూర్ కొత్తపల్లి వద్ద.. కారు అదుపుతప్పి డివైడర్ను ఢీకొట్టింది. బెలూన్లు తెరుచుకోవడంతో కారు యజమాని ప్రాణాలతో బయటపడ్డారు. జగిత్యాల జిల్లా రాయికల్కు చెందిన తిరుపతిరావు.. హైదరాబాద్ నుంచి వస్తుండగా కారు అదుపుతప్పి డివైడర్ను ఢీకొంది. ముందు భాగం నుజ్జునుజ్జయ్యింది. తిరుపతి రావు కారులోనే ఇరుక్కుపోవడంతో క్రేన్‌ సహాయంతో పోలీసులు సహాయక చర్యలు చేపట్టారు. తిరుపతిరావుకు ఊపిరి తీసుకోవడం కష్టంగా మారడంతో 108 సిబ్బంది ఆక్సిజన్‌ అందించారు. తిమ్మాపూర్ పోలీసులు సహాయక చర్యలను పర్యవేక్షించారు.
నెత్తురోడిన రాజీవ్ రహదారి.. ఒకేరోజు రెండు ప్రమాదాలు ఇదీ చదవండి:
