నడిరోడ్డుపై దగ్ధమైన బొగ్గులారీ

రాజేంద్రనగర్​ వ్యవసాయ విశ్వవిద్యాలయం గేటు సమీపంలో ఓ బొగ్గు లారీ అగ్నికి ఆహుతైంది. బొగ్గు లోడుతో వెళ్తున్న వాహనంలో అకస్మాత్తుగా మంటలు చెలరేగాయి.

బొగ్గులోడుతో వెళ్తున్న లారీలో మంటలు చెలరేగిన ఘటన రంగారెడ్డి జిల్లా రాజేంద్రనగర్​లోని వ్యవసాయ విశ్వవిద్యాలయం గేటు సమీపంలో జరిగింది. ప్రమాదంలో లారీ పూర్తిగా దగ్ధమైంది.

సమాచారం అందుకున్న అగ్నిమాపక సిబ్బంది ఘటనాస్థలికి చేరుకుని మంటలను అదుపులోకి తెచ్చారు. మంటల నుంచి లారీ డ్రైవర్​ సురక్షితంగా బయటపడ్డాడు.

ఇదీ చూడండి:కర్రలతో దాడి చేసుకున్న ఇరువర్గాలు... ఒకరు మృతి