Tobacco: నిషేధిత పొగాకు విక్రయిస్తున్న ఇద్దరు అరెస్ట్​

నిషేధిత పొగా(Tobacco)కు ఉత్పత్తులన్ని విక్రయిస్తున్న ఇద్దరు వ్యక్తలను పోలీసులు అరెస్ట్​ చేశారు. నిందితుల నుంచి తంబాకు స్వాధీనం చేసుకున్నారు. ఈ ఘటన రంగారెడ్డి జిల్లా అబ్దల్లాపూర్​మెట్​లో జరిగింది.

హైదరాబాద్​ పాతబస్తీకి చెందిన మునవర్ హైదరాబాద్ ట్రాన్స్​పోర్ట్ కంపెనీ పేరుతో వ్యాన్లను నడిపిస్తున్నాడు. డ్రైవర్, క్లీనర్​తో కలిపి ఓ వ్యాన్​ను బీదర్​కు పంపించాడు. అక్కడ ఆర్ఆర్ కంపెనీకి చెందిన పొగాకు ఉత్పత్తులను వ్యాన్​లో లోడ్ చేసుకున్నారు. తిరిగి హైదరాబాద్​ ప్రయాణయ్యారు.

రంగారెడ్డి జిల్లా అబ్దుల్లాపూర్​మెట్ మండలం కవాడిపల్లి రహదారి వద్దకు చేరుకున్న తర్వాత వ్యాన్​ను అక్కడే నిలిపి కొంతమంది వ్యాపారులకు పొగా(Tobacco)కు ఉత్పత్తులను విక్రయించేందుకు ప్రయత్నించారు. సమాచారం అందుకున్న పోలీసులు నిందితులను అరెస్ట్ చేశారు. ప్రధాన సూత్రధారి మునవర్ పరారీలో ఉన్నాడు.

ఇదీ చదవండి:తిమింగలం కడుపులో 'నిధి'- రాత్రికి రాత్రే కోటీశ్వరులైన జాలర్లు