మెట్రో పిల్లర్​ను ఢీ కొట్టిన టిప్పర్

మట్టి లోడ్​తో వెళ్తున్న ఓ టిప్పర్.. మెట్రో పిల్లర్​ను వేగంగా ఢీ కొట్టింది. ఈ ఘటన చాదర్​ఘాట్​ పోలీస్​స్టేషన్​ పరిధిలో చోటుచేసుకుంది.

హైదరాబాద్ చాదర్​ఘాట్​లో రోడ్డు ప్రమాదం చోటు చేసుకుంది. మట్టి లోడ్​తో వెళ్తున్న ఓ టిప్పర్.. మెట్రో పిల్లర్​ను వేగంగా ఢీ కొట్టి బోల్తా పడింది. ఘటన సమయంలో ట్రాఫిక్ తక్కువ ఉండటంతో ఎటువంటి ప్రాణ నష్టం సంభవించలేదు.

సమాచారం అందుకున్న పోలీసులు.. సంఘటన స్థలానికి చేరుకున్నారు. క్రేన్ సాయంతో టిప్పర్​ని తొలగించారు. డ్రైవర్ నిద్ర మత్తులో వాహనం నడపడం వల్లే ప్రమాదం జరిగినట్లు తెలిపారు.

ఇదీ చదవండి:డ్రగ్స్​ సరఫరా కేసులో ఇద్దరు నైజీరియన్ల అరెస్టు