Accident in Visakhapatnam: విశాఖలో ఘోర రోడ్డుప్రమాదం.. చిన్నారి సహా తల్లిదండ్రులు మృతి

ఏపీలోని విశాఖలో మధురవాడ జాతీయ రహదారిపై ఘోరప్రమాదం చోటుచేసుకుంది. చంద్రపాలెం జిల్లా పరిషత్ ఉన్నత పాఠశాల ఎదురుగా జాతీయ రహదారిపై ద్విచక్రవాహనాన్ని లారీ ఢీకొట్టగా.. ముగ్గురు ప్రాణాలు కోల్పోయారు.

ACCIDENT IN VISAKHAPATNAM: ఏపీలోని విశాఖలో మధురవాడ జాతీయ రహదారిపై ఘోర ప్రమాదం జరిగింది. చంద్రపాలెం జిల్లా పరిషత్ ఉన్నత పాఠశాల వద్ద వేగంగా వస్తున్న లారీ.. ద్విచక్రవాహనాన్ని ఢీ కొట్టింది. ఈ ఘటనలో ముగ్గురు మరణించారు. మృతుల్లో చిన్నారి సహా తల్లిదండ్రులు ఉన్నారు. మృతి చెందినవారు పోలిపిల్లి రమణ, లక్ష్మి, శాంతి కుమారిగా గుర్తించారు.

ఈ ఘటనపై సమాచారం అందుకున్న పోలీసులు వెంటనే ఘటనాస్థలికి చేరుకున్నారు. ప్రమాదస్థలాన్ని పరిశీలించారు. మృతదేహాలను పోస్టుమార్టం నిమిత్తం ఆస్పత్రికి తరలించారు. అనంతరం ఈ ఘటనపై కేసు నమోదు చేసి దర్యాప్తు చేపట్టారు.

ఇదీచదవండి.