Car Bolta in Marchala: అదుపుతప్పి కారు బోల్తా.. ముగ్గురు విద్యార్థులు మృతి
07:40 February 18
Car Bolta in Marchala: అదుపుతప్పి కారు బోల్తా.. ముగ్గురు విద్యార్థులు మృతి
Car Bolta in Marchala :నాగర్కర్నూల్ జిల్లా కల్వకుర్తి మండలం మార్చాల సమీపంలో ఘోర రోడ్డు ప్రమాదం జరిగింది. కారు బోల్తాపడిన ఘటనలో ముగ్గురు విద్యార్థులు ప్రాణాలు కోల్పోగా.. మరొకరు తీవ్రంగా గాయపడ్డారు. వివాహ విందుకు హాజరై తిరిగి వెళ్తుండగా ఈ దుర్ఘటన చోటుచేసుకుంది.
నల్గొండ జిల్లా కొండమల్లేపల్లికి చెందిన అరవింద్(23), వర్ధిపట్లకు చెందిన శిరీష(20), ఖమ్మంకు చెందిన కిరణ్మయి(22), మిర్యాలగూడ గూడూరుకు చెందిన రేణుక.. హైదరాబాద్‌లో డిగ్రీ చదువుతూ.. హాస్టల్‌లో ఉంటున్నారు. గురువారం.. నాగర్కర్నూల్ జిల్లా వెల్దండలోని ఓ వివాహ విందుకు హాజరయ్యారు. అనంతరం హైదరాబాద్‌కు తిరిగి వస్తూ దారితప్పారు.
ఈ క్రమంలోనే వేగంగా వెళ్తున్న కారు.. మార్చాల వద్దకు రాగానే అదుపుతప్పి బోల్తా పడింది. ఈ ఘటనలో కారులో ఉన్న అరవింద్, శిరీష, కిరణ్మయిలు అక్కడికక్కడే ప్రాణాలు కోల్పోయారు. మరో యువతి తీవ్రంగా గాయపడి ఆస్పత్రిలో చికిత్స పొందుతోంది. ఆమె పరిస్థితి విషమంగా ఉన్నట్లు వైద్యులు తెలిపారు. సమాచారం అందుకున్న పోలీసులు ఘటనాస్థలికి చేరుకున్నారు. ప్రమాదానికి అతివేగమే కారణమని ప్రాథమికంగా నిర్ధరించినట్లు సీఐ రామకృష్ణ తెలిపారు. మృతదేహాలను కల్వకుర్తి ప్రభుత్వాస్పత్రికి తరలించారు. కేసు నమోదు చేసుకుని దర్యాప్తు చేస్తున్నారు.