తల్వార్లు అమ్ముతున్న ఇద్దరి అరెస్టు

హైదరాబాద్ పాతబస్తీలో ఓ ఇంటిపై సౌత్​జోన్ టాస్క్​ఫోర్స్ పోలీసులు దాడులు చేశారు. ​అధిక ధరలకు తల్వార్లు అమ్ముతున్న ముఠాను అదుపులోకి తీసుకున్నారు. 5 తల్వార్లు, 3 జాంబియాలు సీజ్ చేశారు.

హైదరాబాద్ పాతబస్తీలో భవానీ నగర్ పోలీస్​స్టేషన్ పరిధిలోని తలబ్​కట్ట వద్ద ఓ ఇంటిపై సౌత్​జోన్ టాస్క్​ఫోర్స్ పోలీసులు దాడులు చేశారు. డీసీపీ గజారావు భూపాల్ జాయింట్ ఆపరేషన్ చేసి.. రాజస్థాన్ నుంచి తల్వార్లు తీసుకొచ్చి హైదరాబాద్​లో అధిక ధరలకు అమ్ముతున్న ముఠాను అదుపులోకి తీసుకున్నారు.

దాడుల్లో మహమ్మద్ సల్మాన్, మహమ్మద్ జావిద్​ల నుంచి 5 తల్వార్లు, 3 జాంబియాలు సీజ్ చేశారు. వాటిని భవానీ నగర్ పోలీసులకు అప్పగించారు.

ఆర్థిక ఇబ్బందులతో నిందితులు తల్వార్లను తక్కువ ధరకు రాజస్థాన్ నుంచి తీసుకొచ్చి హైదరాబాద్​లో ఎక్కువకు అమ్ముతునట్లు తెలిపారు. ఇప్పటి వరకు సుమారు 10 అమ్మినట్లు వెల్లడించారు.

ఇదీ చూడండి:పోక్సో ఫాస్ట్​ట్రాక్​ కోర్టును ప్రారంభించిన జస్టిస్​ హిమా కోహ్లి