ఈదమ్మ జాతరలో ఘర్షణ.. ఇద్ధరి పరిస్థితి విషమం

మద్యం మత్తులో ఇరు వర్గాలు పరస్పరం దాడులకు దిగిన ఘటన నాగర్‌ కర్నూల్‌ జిల్లాలోని ఈదమ్మ జాతరలో జరిగింది. ఈ ఘర్షణలో గాయపడిన ఇద్దరి పరిస్థితి విషమంగా ఉందని వైద్యలు తెలిపారు. మెరుగైన చికిత్స కోసం వారిని మహబూబ్‌నగర్‌లోని ప్రభుత్వ ఆసుపత్రికి తరలించామని పేర్కొన్నారు.

నాగర్ ‌కర్నూల్ జిల్లా కొల్లాపూర్‌ గ్రామంలో ఈదమ్మ జాతరకు వచ్చిన రెండు వర్గాల మధ్య ఘర్షణ జరిగింది. మద్యం మత్తులో ఒకరిపై ఒకరు బీరు సీసాతో దాడి చేసుకున్నారు. ఈ ఘటనలో పలువురికి గాయలవ్వగా.. ఇద్దరి పరిస్థితి విషమంగా ఉందని కొల్లాపూర్‌ ఏరియా ఆసుపత్రి వైద్యులు తెలిపారు. మెరుగైన చికిత్సకోసం వారిని మహబూబ్‌నగర్‌లోని జిల్లా ఆసుపత్రికి తరలించారు.

ఈ ఘటనతో జాతరకు వచ్చిన భక్తులు భయాందోళనకు గురయ్యారు. ఘటనా స్థలానికి చేరుకున్న పోలీసులు ఇరు వర్గాలను చెదరగొట్టారు. జాతరలో విచ్చలవిడిగా మద్యం అమ్మకాలు సాగుతున్నా.. అధికారులు పట్టించుకోకపోవడం కారణంగానే ఈ తరహా ఘటనలు జరుగుతున్నాయని స్థానికులు చెబుతున్నారు.

ఇదీ చదవండి:యువతిపై కత్తితో దాడి చేసిన ప్రేమోన్మాది