Newly married woman suicide Anantapur : ఆంధ్రప్రదేశ్ అనంతపురం జిల్లాలో విషాదం చోటు చేసుకుంది. పుట్టింటిని వదిలి... అత్తింటికి వెళ్లలేక ఓ నవవధువు బలవన్మరణానికి పాల్పడింది. జిల్లాకేంద్రానికి చెందిన సూర్యనారాయణకు ఓ కుమారుడు, ఇద్దరు కుమార్తెలు. కష్టపడి ముగ్గరు పిల్లలకు ఉన్నత చదువులు చదివించారు. అందులో మొదటి కుమార్తెకు రెండేళ్ల క్రితం ప్రభుత్వ ఉద్యోగం వచ్చింది. కష్టపడి చదివించినందుకు కూతురుకు ఉద్యోగం రావడంతో.. చాలా మురిసిపోయారు. కుమార్తె చదువైపోవడం.. ఉద్యోగం కూడా రావడంతో.. ఆమెను ఓ అయ్య చేతిలో పెట్టి బాధ్యత తీర్చుకోవాలనుకున్నారు. అనుకున్నట్లుగానే ఘనంగా పెళ్లి చేశారు. అదే ఆయన కుమార్తె పాలిట శాపమైంది. పెళ్లయిన కుమార్తె.. తల్లిదండ్రులను వదిలి వెళ్లలేక బెంగతో ఉరేసుకుని ఆత్మహత్య చేసుకుంది. ఉన్నత చదువులు చదివిన కుమార్తె ఉరి వేసుకోవడాన్ని ఆ తల్లిదండ్రులు జీర్ణించుకోలేకపోతున్నారు.
ఏం జరిగింది?
Newly wed woman suicide: నగరానికి చెందిన హెడ్‌కానిస్టేబుల్‌ సూర్యనారాయణకు భార్య, ఇద్దరు కుమార్తెలు ఒక కుమారుడు. వీరిలో సుజన(26) మొదటి సంతానం. బీటెక్‌ పూర్తి చేసి, 2019లో గ్రామ సచివాలయంలో డిజిటల్‌ అసిస్టెంట్‌ ఉద్యోగం సాధించింది. బుక్కరాయసముద్రంలోని గ్రామ సచివాలయం-2లో పనిచేస్తోంది. గత నెల 17న చెన్నేకొత్తపల్లి మండలం మేడాపురం గ్రామానికి చెందిన నరసింహులు కుమారుడు విశ్వనాథ్‌తో వివాహమైంది.