రహస్యంగా ఆన్​లైన్ మట్కా గేమ్​.. యువకులు అరెస్ట్

రహస్యంగా ఆన్​లైన్​ మట్కా ఆడుతున్న నలుగురు యువకులను టాస్క్​ఫోర్స్​ పోలీసులు పట్టుకున్నారు. కుమురం భీం జిల్లా కాగజ్​ నగర్​లో ఈ ఘటన చోటుచేసుకుంది.

కుమురం భీం జిల్లా కాగజ్ నగర్ పట్టణంలో రహస్యంగా ఆన్​లైన్ మట్కా ఆడుతున్న నలుగురు యువకులను టాస్క్​ఫోర్స్​ పోలీసులు అదుపులోకి తీసుకున్నారు. వారి వద్ద నుంచి రూ.20,130 నగదు, 3 సెల్​ఫోన్లు స్వాధీనం చేసుకున్నారు.

గాంధీచౌక్ ప్రాంతంలో గుట్టుగా ఆన్​లైన్​ మట్కా ఆడుతున్నారన్న సమాచారం మేరకు టాస్క్​ఫోర్స్​ సీఐ రానా ప్రతాప్​ దాడులు చేపట్టారు. వారిని స్థానిక పోలీస్​ స్టేషన్​లో అప్పగించి కేసు నమోదు చేసినట్లు సీఐ తెలిపారు. అసాంఘిక కార్యక్రమాలకు పాల్పడినా, చట్టవ్యతిరేకమైన కార్యకలాపాలు చేపట్టినా కఠిన చర్యలు తీసుకుంటామని హెచ్చరించారు.

ఇదీ చదవండి:ఆస్తి వివాదం.. సొంత అన్ననే అతి కిరాతకంగా హతమార్చాడు