STUDENT SUICIDE: అపార్ట్​మెంట్​ పైనుంచి దూకి ఆత్మహత్య చేసుకున్న విద్యార్థి... అసలేం జరిగిందంటే?

ఎనిమిదో తరగతి చదువుతున్న ఓ విద్యార్థి అపార్ట్​మెంట్​ పైనుంచి దూకి ఆత్మహత్యకు పాల్పడిన ఘటన బోయిన్​పల్లి పోలీస్ స్టేషన్ పరిధిలో జరిగింది. స్థానికుల సమాచారం మేరకు ఘటనా స్థలానికి చేరుకున్న పోలీసులు... మృతదేహాన్ని పోస్టుమార్టం నిమిత్తం గాంధీ ఆసుపత్రికి తరలించారు. తల్లి ఫిర్యాదు మేరకు కేసు నమోదు చేసుకుని దర్యాప్తు చేస్తున్నారు.

అనారోగ్యంతో బాధపడుతున్న ఓ విద్యార్థి అపార్ట్​మెంట్ ​పైనుంచి దూకి ఆత్మహత్యకు పాల్పడిన ఘటన సికింద్రాబాద్ బోయిన్​పల్లి పోలీస్ స్టేషన్ పరిధిలో చోటుచేసుకుంది. నిజామాబాద్​కు చెందిన వజీర్, సీమా ఫాతిమా దంపతులకు ముగ్గురు కుమారులు. వారిని చదివించడానికి గత కొద్ది సంవత్సరాల క్రితం నగరానికి వచ్చి... న్యూ బోయిన్‌పల్లి వద్ద గల కాలనీలో నివాసముంటున్నారు. తండ్రి దుబాయ్​లో పనిచేస్తుండగా... సీమాఫాతిమా ఇంట్లోనే ఉంటూ పిల్లల ఆలనాపాలనా చూసుకుంటుంది.

చిన్న కుమారుడు మహమ్మద్​ ఓబేద్ స్థానికంగా ఉన్న ఓ ప్రైవేటు పాఠశాలలో ఎనిమిదో తరగతి చదువుకుంటున్నాడు. గత కొంతకాలంగా క్యాన్సర్​తో బాధపడుతున్న ఓబేద్​కు చిన్నాన్న నజీబ్ చికిత్స చేయిస్తున్నాడు. అయితే అనారోగ్యంతో మనస్తాపం చెందిన ఓబేద్​... పాఠశాలకు వెళ్లి ఇంటికి వచ్చే మార్గంలోని లోటస్ స్ప్రింగ్ అపార్ట్​మెంట్​లోని నాలుగో అంతస్తు నుంచి దూకి ఆత్మహత్య చేసుకున్నాడు.

స్థానికుల సమాచారం మేరకు ఘటనా స్థలానికి చేరుకున్న పోలీసులు మృతదేహాన్ని పోస్టుమార్టం నిమిత్తం గాంధీ ఆసుపత్రికి తరలించారు. తల్లి ఫిర్యాదు మేరకు కేసు నమోదు చేసుకుని దర్యాప్తు చేపట్టారు.

ఇదీ చదవండి:Attack on Girl friend:ప్రేమోన్మాది దాడి.. విషమంగానే యువతి పరిస్థితి