ఉద్యోగం ఇప్పిస్తానని ఆశచూపి యువతిపై అత్యాచారం

ఉద్యోగం ఇప్పిస్తానని ఆశచూపి తనపై మేనేజర్​ అత్యాచారం చేశాడని ఓ యువతి పోలీసులకు ఫిర్యాదు చేసింది. ఈ ఘటన జూబ్లీహిల్స్​ పీఎస్​ పరిధిలో చోటుచేసుకుంది. పోలీసులు కేసు నమోదు చేసి దర్యాప్తు చేపట్టారు.

డిగ్రీ విద్యార్థిని ఓ యువకుడు నమ్మించి మోసం చేసి అత్యాచారానికి ఒడిగట్టిన ఘటన జూబ్లీహిల్స్ పోలీసు స్టేషన్ పరిధిలో చోటుచేసుకుంది. రహమత్‌నగర్‌ పరిధి కార్మికనగర్‌లో నివసించే బీకాం చదివిన విద్యార్థిని ఉద్యోగం కోసం ఆమెజాన్ కంపెనీకి వెళ్లింది. అక్కడ ఆ కంపెనీ మేనేజర్ బీటెక్ పూర్తి చేసిన రాజు పరిచయమయ్యాడు.

ఉద్యోగం ఇప్పిస్తానని నమ్మబలికి తన గదికి పిలిపించుకుని అత్యాచారం చేశాడని బాధితురాలు పోలీసులకు ఫిర్యాదు చేసింది. కేసు నమోదు చేసిన పోలీసులు దర్యాప్తు చేస్తున్నారు.

ఇదీ చదవండి: రోడ్డు ప్రమాదంలో డెంటల్ విద్యార్థిని మృతి