ఓ వ్యక్తి క్షణికావేశంతో కనిపెంచిన తల్లినే పొట్టనబెట్టుకున్న ఘటన వనపర్తి జిల్లాలో జరిగింది. గోపాల్‌పేట మండలం పొలికెపాడుకు చెందిన మంకలి నర్సయ్య - కాశమ్మ దంపతులకు కుర్మయ్య, శివ కుమారులున్నారు. చిన్నకుమారుడు శివకు అదే గ్రామానికి చెందిన రేణుకతో కొన్ని నెలల క్రితం వివాహమైంది. అప్పటి నుంచి తల్లిదండ్రులిద్దరూ శివ వద్దనే ఉంటూ జీవనం సాగిస్తున్నారు.
ఈ క్రమంలో శివ భార్య రేణుకకు, అతని తల్లి కాశమ్మకు మధ్య కొన్ని రోజులుగా తగాదాలు మొదలయ్యాయి. శుక్రవారం రాత్రి కూడా అత్తాకోడలు గొడవ పడడంతో కాశమ్మ ఇంట్లో నుంచి బయటకు వెళ్లి పోయింది. కాసేపటి తర్వాత ఆమె తిరిగి ఇంటికి రావడంతో మరోసారి వారి మధ్య గొడవ మొదలైంది. ఆ సమయంలో కాశమ్మ ఒంటిపై కిరోసిన్ పోసుకుని నిప్పంటించుకునే ప్రయత్నం చేసింది.