ఆ ఇంట్లో అర్ధరాత్రి పదుల సంఖ్యలో పాముల కలకలం

ఒక పాము కనిపిస్తేనే ఎంతో ఆందోళన చెందుతాం. అలాంటిది ఒక్కొక్కటిగా కుప్పలు తెప్పలుగా ఎదురుగా వస్తుంటే చచ్చి బతికినంత పనవుతుంది. ఇలాంటిదే ఓ ఘటన మెదక్ జిల్లా కొల్చారం మండల కేంద్రంలో జరిగింది.

మెదక్ జిల్లా కొల్చారం మండలం పైతారంలో అర్ధరాత్రి పాములు కలకలం సృష్టించాయి. గ్రామానికి చెందిన కుమ్మరి లక్ష్మయ్య ఇంట్లో పదుల సంఖ్యలో పాములు ప్రత్యక్షమై .. స్థానికులను భయాందోళనలకు గురి చేశాయి.

ఇంటిముందు ఉన్న మరుగు కాలువనుండి పాములు ఒక్కొక్కటిగా ఇంట్లోకి వచ్చినట్లు లక్ష్మయ్య తెలిపారు. అయితే ఆ కాలువలో ఇంకా ఎన్ని సర్పాలున్నాయోనని కుటుంబ సభ్యులు ఆందోళన చెందుతున్నారు.

ఇదీ చదవండి:ఆ ఫొటోలు సోషల్​ మీడియాలో పెట్టాడు.. ఆ తర్వాత ఏమైందంటే..?