ఆరో తరగతి విద్యార్థినిపై ప్రధానోపాధ్యాయుడు లైంగిక వేధింపులు..ఎక్కడంటే?

Sexually Harassement: ఉపాధ్యాయులకు సమాజంలో ఎనలేని గౌరవం ఉంది. కానీ ప్రధానోపాధ్యాయుడు చేసిన పనికి ఆందోళన చేస్తున్నారు. అభం శుభం తెలియని చిన్నారిపై ప్రధానోపాధ్యాయుడు లైగింకంగా వేదించిన దుర్ఘటన ఆంధ్రప్రదేశ్​లోని విజయనగరం జిల్లాలో ఆలస్యంగా వెలుగులోకి వచ్చింది.

Sexually Harassement: ఆయన వృత్తి తమ దగ్గర చదువుకొనే విద్యార్థులను ప్రయోజకుల్ని చేయడం. కానీ అతను ఆ పనిని మరచి 12 సంవత్సరాల విద్యార్థినిపై లైంగిక వేదింపులకు పాల్పడ్డాడు. ఈ విషయం చాలా ఆలస్యంగా వెలుగులోకి వచ్చింది. ఆంధ్రప్రదేశ్​లోని విజయనగరం జిల్లా సంతకవిటి మండలం అప్పల అగ్రహారం ప్రాథమికోన్నత పాఠశాలలో ఆరో తరగతి చదువుతున్న ఓ విద్యార్థిని పై ప్రధాన ఉపాధ్యాయుడు లైంగిక వేధింపులకు పాల్పడుతున్న సంఘటన ఆలస్యంగా వెలుగులోకి వచ్చింది.

పాఠశాల ప్రధానోపాధ్యాయుడు వై అప్పలరాజు నాలుగు నెలలుగా తమ కుమార్తెను లైంగిక వేధిస్తున్నట్లు తల్లి ఆదిలక్ష్మి తెలిపారు. సంక్రాంతి సెలవుల అనంతరం పాఠశాల ప్రారంభం కావడంతో పాఠశాలకు ఎందుకు వెళ్లట్లేదని తల్లి ఆదిలక్ష్మి కుమార్తెను అడగగా తాను ఆ పాఠశాలకు వెళ్లను వేరే హాస్టల్లో ఎక్కడైనా వేసేయండి వెళతాను అని ఏడుస్తూ చెప్పింది. దీంతో విషయం ఏం జరిగిందని తల్లి అడగగా ప్రధానోపాధ్యాయుడు తనని రోజూ బాత్రూంలోకి రమ్మని లైంగిక వేధింపులకు పాల్పడుతున్నట్లు విద్యార్థిని చెప్పినట్లు తల్లి ఆదిలక్ష్మి గ్రామస్థులకు, ఉపాధ్యాయులకు తెలిపింది.

అనంతరం ఇదే విషయం పోలీస్ స్టేషన్​లో ఫిర్యాదు చేసింది. తల్లి ఆదిలక్ష్మి ఇచ్చిన ఫిర్యాదు మేరకు పోలీసులు కేసు నమోదు చేశారు. పాఠశాల వద్దకు చేరుకొని పాఠశాల విద్యార్థులను, గ్రామస్థులను విచారణ చేపట్టి వివరాలు సేకరించారు. ప్రధానోపాధ్యాయుడు తీరుపై విద్యార్థులు గ్రామస్థులు యువత పాఠశాల వద్ద ప్రధానోపాధ్యాయుడిని విధుల నుంచి తొలగించాలని నినాదాలు చేస్తూ నిరసన చేపట్టారు. కేసు నమోదు చేసి విచారణ చేపడుతున్నట్లు ఎస్సై జనార్దన్ రావు తెలిపారు.

ఇవీ చదవండి: