మంచిర్యాలలో మధ్యరాత్రి ఎస్సై వీరంగం.. స్నేహితులతో కలిసి బ్లూకోర్ట్ సిబ్బందిపై దాడి
SI Halchal in Mancherial: మంచిర్యాల పట్టణంలో అర్ధరాత్రి పూటుగా మద్యం సేవించిన ఓ ఎస్సై విధుల్లో ఉన్న పోలీస్ సిబ్బందిపై దాడి చేస్తూ వీరంగం సృష్టించారు. సిద్దిపేట పోలీస్ కమిషనరేట్ పరిధిలోని బెజ్జంకి పోలీస్ స్టేషన్లో ఎస్సైగా విధులు నిర్వహిస్తున్న ఆవుల తిరుపతి.. తన స్నేహితులతో కలిసి మంచిర్యాల పట్టణంలోని ఐబీ చౌరస్తా వద్ద రోడ్డుపై మద్యం సేవిస్తూ, కారులో పాటలకు అనుగుణంగా డాన్సులు చేయడం జరిగింది. ఎస్సై చేస్తోన్న చేష్టలకు ఇబ్బందికి గురైన స్థానికులు 100 ఫోన్ చేసి సమాచారం ఇచ్చారు.