దేవరకద్ర బస్టాండ్​లో నిషేధిత గుట్కా పట్టివేత

మహబూబ్​నగర్ జిల్లా దేవరకద్రలో నిషేధిత గుట్కాను ఆర్టీసీ అధికారులు స్వాధీనం చేసుకున్నారు. కర్ణాటక నుంచి మహబూబ్​నగర్ జిల్లాకు తరలిస్తుండగా పట్టుకున్నారు.

కర్ణాటకలోని రాయిచూరు నుంచి నిషేధిత గుట్కాను మహబూబ్​నగర్ జిల్లా కేంద్రానికి బస్సులో తరలిస్తుండగా ఆర్టీసీ అధికారులు దేవరకద్రలో పట్టుకున్నారు. రాష్ట్రంలో నిషేధం ఉన్న గుట్కాలను కర్ణాటక నుంచి మహబూబ్​నగర్ జిల్లా కేంద్రానికి అనుమతి లేకుండా తరలిస్తుండగా సమాచారం అందుకున్న ఆర్టీసీ అధికారులు తనిఖీలు జరిపారు.

హైదరాబాద్-1 డిపో చెందిన 2 ఆర్టీసీ అద్దె బస్సులు హైదరాబాద్​కు బయలుదేరాయి. అనుమానం రాకుండా ఒక బస్సులో దుస్తులు పెట్టుకునే రెండు బస్తాల్లో, మరో బస్సులో కాటన్​ డబ్బాలో నిషేధిత గుట్కాలు పెట్టి మహబూబ్​నగర్ జిల్లా కేంద్రానికి తరలించే ప్రయత్నం చేశారు. దేవరకద్ర బస్టాండ్​లో బస్సులు తనిఖీ చేయగా గుట్కా పట్టుబడింది. ఆర్టీసీ అధికారుల ఫిర్యాదుతో పోలీసులు విచారణ చేపట్టారు.

ఇదీ చూడండి:వాటర్ బాటిల్ తెచ్చుకుంటానని చెప్పి భార్య పరార్​.!