ఏపీలోని చిత్తూరు జిల్లా తవణంపల్లి మండలం గాజులపల్లిలో పోలీసులు భారీగా మద్యాన్ని స్వాధీనం చేసుకున్నారు. వాటి విలువ సుమారు రూ.50 లక్షలు ఉంటుందని అంచనా వేస్తున్నారు. అక్రమంగా మద్యం తరలిస్తున్న ఆరుగురిని అరెస్ట్ చేశారు. ఒక వ్యాను, ఒక కారు, రెండు ద్విచక్రవాహనాలు స్వాధీనం చేసుకున్నారు.
మంగళవారం ఉదయం గాజులపల్లి గ్రామంలో పోలీసులు తనిఖీ చేపట్టారు. బంగారుపాళ్యం నుంచి రెండు మోటార్ సైకిళ్లలో నలుగురు వ్యక్తులు అతివేగంగా రావడం వల్ల అనుమానంతో వారిని ఆపి విచారించారు. అంతలోనే ఒక కారు, మరో వ్యాను అటువైపు రావడం గుర్తించారు. కారులో ఉన్న నలుగురు వ్యక్తులు పారిపోగా మరో ఆరుగురు పోలీసులకు పట్టుబడ్డారు.