ఆంధ్ర ప్రదేశ్లోని వేర్వేరు ప్రాంతాల్లో జరిగిన రోడ్డు ప్రమాదాల్లో ఐదుగురు మృతి చెందారు. పశ్చిమ గోదావరి జిల్లా ఉంగుటూరు మండలం బాదంపూడి సమీపంలో ఆదివారం ఉదయం జరిగిన ఘోర రోడ్డు ప్రమాదంలో ముగ్గురు మృతి చెందారు. ఐదుగురు కారులో రాజమహేంద్రవరం వైపు నుంచి హైదరాబాదుకు వెళ్తున్నారు. వీరు ప్రయాణిస్తున్న కారు బాదంపూడి సమీపంలోని వెల్లమిల్లి రేవు వద్దకు వచ్చేసరికి కల్వర్టుపై నిర్మించిన రక్షణ గోడను వేగంగా ఢీకొట్టింది. ఈ ప్రమాదంలో డ్రైవర్ తో పాటు పక్కన కూర్చున్న వ్యక్తి అక్కడికక్కడే మృతి చెందగా మరో వ్యక్తిని హైవే అంబులెన్స్ వాహనంలో తణుకు ప్రభుత్వ ఆస్పత్రికి తరలిస్తుండగా మార్గమధ్యంలో మృతిచెందాడు. మరో ఇద్దరు తీవ్రంగా గాయపడ్డారు. బాధితులు తెలంగాణ రాష్ట్రం మేడ్చల్ జిల్లా కొంపల్లికి చెందిన వారు. మృతుల్లో ఇద్దరిని బొల్లా గిరి, ఎన్.ఖన్నాలుగా పోలీసులు గుర్తించారు. కారు డ్రైవర్ నిద్ర మత్తు లోకి వెళ్లడంతో ప్రమాదం జరిగిందని పోలీసులు భావిస్తున్నారు.
తిరుపతిలో ఇద్దరు యువకులు మృతి