Accident in srisailam Ghatroad: బస్సులోంచి తల బయటపెట్టింది.. ఊహించని దారుణం జరిగిపోయింది!

Accident in srisailam Ghatroad: చిన్నపాటి నిర్లక్ష్యం.. దారుణ విషాదానికి కారణమైంది. ఊహించని ఈ ఉపద్రవం.. నిండు ప్రాణాన్ని బలిగొంది. ఆర్టీసీ సూపర్‌ లగ్జరీ బస్సులో ప్రయాణిస్తున్న ఓ యువతి కిటికీ లోంచి తల బయటకు పెట్టడంతో.. ఘోర ప్రమాదానికి గురైంది.

Accident in srisailam Ghatroad: శ్రీశైలం సమీపంలోని నల్లమల ఘాట్‌రోడ్డులో.. విషాదం చోటుచేసుకుంది. ఆర్టీసీ సూపర్‌ లగ్జరీ బస్సులో ప్రయాణిస్తున్న ఓ యువతి.. బయటకు చూసేందుకు కిటికీలోంచి తల బయటకు పెట్టింది. సరిగ్గా ఇదే సమయంలో మలుపు వద్ద ఎదురుగా దూసుకొచ్చిన లారీ.. యువతి తలను ఢీకొట్టింది. ఈ దుర్ఘటనలో.. యువతి అక్కడికక్కడే ప్రాణాలు కోల్పోయింది.

మృతురాలు ఏపీలోని ప్రకాశం జిల్లా మార్కాపురానికి చెందిన మహి(20)గా పోలీసులు గుర్తించారు. గుంటూరు జిల్లా నరసారావుపేటలో డిగ్రీ చదువుతున్న సదరు యువతి.. శ్రీశైలం దర్శనం కోసం వెళ్తుండగా ఈ ప్రమాదం జరిగింది.

ఇదీచూడండి:CP Stephen Ravindra: దేశంలోనే అతిపెద్ద సైబర్‌ మోసాన్ని ఛేదించాం: సీపీ స్టీఫెన్ రవీంద్ర