నిత్యం వందలాది వాహనాలు రాకపోకలు సాగించే వరంగల్-హైదరాబాద్‌ జాతీయ రహదారిలో దారుణం జరిగింది. గుర్తు తెలియని మహిళను అత్యంత దారుణంగా హత్యాచారం చేశారు కిరాతకులు. ఈ ఘటన మేడ్చల్ జిల్లా ఘట్‌కేసర్ పీఎస్ పరిధిలోని అన్నోజిగూడలో చోటు చేసుకుంది.
పోచారం మున్సిపాలిటీ పరిధిలోని అన్నోజిగూడలోని దుకాణాల సముదాయంపై నుంచి భరించలేని వాసన వస్తోందని స్థానికులు పోలీసులకు సమాచారం అందించారు. ఘటనాస్థలికి చేరుకున్న పోలీసులు దుకాణం మిద్దెపై గుర్తు తెలియని మహిళ మృతదేహాన్ని గుర్తించారు. ఆమె పక్కనే మందు, నీటి సీసాలు పడి ఉండగా.. వేలిముద్రల నిపుణులను రప్పించి పోలీసులు ఆధారాలు సేకరించారు.