రేవ్​పార్టీ కేసు: ముమ్మరంగా కొనసాగుతున్న దర్యాప్తు

హైదరాబాద్‌ శివారు సంస్థాన్ నారాయణపూర్‌లోని ఓ ఫామ్ హౌస్‌లో జరిగిన రేవ్ పార్టీ కేసులో పోలీసులు దర్యాప్తు ముమ్మరం చేశారు. సుమారు ఆరుగురు నిర్వాహకులపై వివిధ సెక్షన్ల కింద కేసులు నమోదు చేశారు.

సంస్థాన్ నారాయణపూర్​లో పట్టుబడిన రేవ్ పార్టీ నిర్వాహకులను పోలీసులు విచారిస్తున్నారు. ఇప్పటికే నిందితులను అరెస్ట్‌ చేసిన పోలీసులు..... రేవ్ పార్టీలో మత్తు పదార్థాలను ఎక్కడి నుంచి తీసుకొచ్చారనే కోణంలో వివరాలు సేకరిస్తున్నారు.

నగరంలో పబ్‌లపై నిఘా పెరగడం వల్ల ఆర్గనైజర్లు శివారు ప్రాంతాల్లోని రిసార్టులు, ఫామ్ హౌస్​లలో రేవ్ పార్టీలను నిర్వహిస్తున్నారు. నెట్​వర్క్‌ను ఉపయోగించుకొని మత్తు పదార్థాలు అందుబాటులో ఉంచుతున్నారు. పోలీసులు కఠిన చర్యలు తీసుకుంటున్నా.....సామాజిక మాధ్యమాల ద్వారా ప్రచారం చేస్తున్నారు.

మెయినాబాద్, శామీర్ పేట్, కీసర, షాద్ నగర్ పరిసర ప్రాంతాల్లోని రిసార్టులు, ఫామ్​హౌస్​లలో రేవ్ పార్టీలు, ముజ్రాలు నిర్వహిస్తున్నారు. ఇలాంటి కార్యకలాపాలకు పాల్పడితే చట్టపరంగా కఠిన చర్యలు తీసుకుంటామని పోలీసు ఉన్నతాధికారులు హెచ్చరిస్తున్నారు.

ఇదీ చూడండి:శివరాత్రి పూట రేవ్​పార్టీ... పోలీసుల అదుపులో 90 మంది..