Police vehicle accident: పాతబస్తీలో పోలీసు వాహనం బీభత్సం.. గాయపడ్డ పాదచారులు..

Police vehicle accident: సాదారణంగా ఏదైనా ప్రమాదం జరిగితే.. ఆ స్థలానికి పోలీసుల వాహనం వస్తుంది. కానీ.. ఇక్కడ మాత్రం పోలీసు వాహనమే ప్రమాదానికి కారణమైంది. రోడ్డుపై వెళ్తున్న పాదచారులపైకి దూసుకెళ్లింది. ఈ ఘటన హైదరాబాద్​ పాతబస్తీలో జరిగింది.

Police vehicle accident: హైదరాబాద్ పాతబస్తీ కాలపత్తర్ పోలీస్​స్టేషన్ పరిధిలోని తాడ్బన్ ప్రాంతంలో పోలీస్ వాహనం బీభత్సం సృష్టించింది. పోలీస్ శాఖకు చెందిన టాటాసుమో వాహనం తాడ్బన్ ప్రాంతంలో రోడ్డుపై వెళ్తున్న పాదచారులపైకి దూసుకెళ్లింది. ఈ ఘటనలో.. నలుగురు పాదచారులకు గాయాలయ్యారు.

క్షతగాత్రులను హుటాహుటిన ఆస్పత్రికి తరలించారు. డ్రైవర్ మద్యం మత్తులో ఉన్నట్లు అనుమానిస్తున్నారు. ఈ ప్రమాదానికి కారణమైన డ్రైవర్​ను పోలీస్​స్టేషన్​కు తరలించారు. పాదచారులకు స్వల్ప గాయాలయ్యాయని కాలపత్తర్​ సీఐ వెల్లడించారు. ఇందుకు సంబంధించిన పూర్తి వివరాలు తెలియాల్సి ఉన్నాయి.

ఇదీ చూడండి: