భారీగా పేలుడు పదార్థాలు పట్టుకున్న పోలీసులు

ఖమ్మం జిల్లాలో భారీ ఎత్తున్న అక్రమంగా నిల్వ చేసిన పేలుడు పదార్థాలను పోలీసులు పట్టుకున్నారు. దాదాపు రూ.15.50 లక్షల విలువైన పేలుడు పదార్థాలను స్వాధీనం చేసుకున్నారు.

ఖమ్మం గ్రామీణ మండలం పిట్టలవారిగూడెం శివారులోని ఓ తోటలో అక్రమంగా పేలుడు పదార్థాలను ఉంచారన్న సమాచారంతో పోలీసులు దాడి చేశారు. దాడిలో సుమారు 15.50 లక్షల రూపాయల విలువైన పేలుడు పదార్థాలు స్వాధీనం చేసుకున్నారు. ఏడుగురు నిందితులను అదుపులోకి తీసుకున్నారు.

అనుమతి లేకుండా అక్రమంగా జిలెటెన్​స్టిక్స్‌, డిటోనేటర్లు, సల్ఫర్‌ తదితర పదార్థాలను దాచి ఉంచొద్దని ఎస్పీ విష్ణు వారియర్‌ తెలిపారు. అక్రమంగా పేలుడు పదార్థాలు కలిగి ఉంటే కఠిన చర్యలు తప్పవని హెచ్చరించారు. ఈకేసుతో సంబంధం ఉన్నవారందరిని పట్టుకుంటామని చెప్పారు.

ఇదీ చదవండి:అతి తీవ్ర తుపానుగా 'తౌక్టే'.. ఆ రాష్ట్రాల్లో హైఅలర్ట్​!