Retired RI Arrest: ల్యాండ్​ సెటిల్మెంట్​ పేరుతో దందాలు.. రిటైర్డ్​ ఆర్​ఐ అరెస్ట్​..

Retired RI Arrest: ల్యాండ్​ సెటిల్​మెంట్ల పేరుతో దందాలు నిర్వహిస్తున్న రిటైర్డ్​ ఆర్​ఐని పోలీసులు అరెస్టు చేశారు. అతడి దగ్గరి నుంచి 4 తుపాకులను స్వాధీనం చేసుకున్నారు.

Retired RI Arrest: సీనియర్ పోలీసు అధికారినంటూ మోసాలకు పాల్పడుతున్న రిటైర్డ్ రిజర్వ్ ఇన్​స్పెక్టర్​ కిషన్​రావును హైదరాబాద్​ బంజారాహిల్స్​ పోలీసులు అరెస్టు చేశారు. కిషన్​రావు నుంచి 4 ఎయిర్ గన్లతో పాటు పలు డాక్యుమెంట్లు స్వాధీనం చేసుకున్నారు. యూసుఫ్​గూడా పోలీసు బెటాలియన్​లో కిషన్​రావు నివసిస్తున్నాడు. స్థల వివాదాలు పరిష్కారిస్తానంటూ డబ్బులు డిమాండ్​ చేస్తూ.. బెదిరింపులకు పాల్పడుతున్నాడని కిషన్​రావుపై ఫిర్యాదు రావటంతో.. పోలీసులు అరెస్టు చేశారు.

అన్నపూర్ణ స్టూడియో సమీపంలోని స్థల వివాదం..

కరీంనగర్​కు చెందిన అబ్బాస్ అనే రియల్ ఎస్టేట్ వ్యాపారి వద్ద రూ.39 లక్షలు తీసుకుని బెదిరింపులకు పాల్పడ్డాడని.. ఏసీపీ సుదర్శన్ వెల్లడించారు. జూబ్లీహిల్స్ అన్నపూర్ణ స్టూడియో సమీపంలోని స్థలాల వ్యవహారంలో కిషన్​రావు జోక్యం చేసుకున్నట్టు తెలిపారు. బాధితుడు ఫిర్యాదు చేయడంతో కేసు నమోదు చేసుకుని విచారించగా అసలు విషయం వెలుగులోకి వచ్చింది. గతంలో కిషన్ రావు ఆయుధాల అక్రమ దందాలో సస్పెండ్ అయ్యారని ఏసీపీ పేర్కొన్నారు. ఈ కేసులో లక్ష్మణ్ అనే వ్యక్తి పరారీలో ఉన్నాడని ఏసీపీ తెలిపారు.

ఇదీ చూడండి: