బైక్​ను ఢీకొట్టిన లారీ డ్రైవర్ అరెస్టు

రోడ్డు ప్రమాదంలో ఇద్దరి మృతికి కారణమైన లారీ డ్రైవర్​ను పటాన్​చెరు పోలీసులు అరెస్టు చేసి రిమాండ్​కు పంపించారు. మద్యం తాగి వాహనం నడపడం వల్లే ప్రమాదం జరిగినట్లు తెలిపారు.

సంగారెడ్డి జిల్లా పటాన్​చెరు వైపు ద్విచక్రవాహనంపై వెళ్తున్న ఇద్దరు వ్యక్తులను లక్డారం వద్ద ఓ లారీ డ్రైవర్ ఢీకొట్టి వెళ్లిపోయాడు. ఈ ఘటనలో ఇద్దరు వ్యక్తులు అక్కడికక్కడే మృతి చెందారు.

శంషాబాద్​ పోలీసులు నిర్వహించిన తనిఖీల్లో లారీ డ్రైవర్ మద్యం సేవించినట్లు నిర్ధరణ అయింది. లక్డారం జాతీయ రహదారిపై ప్రమాదం చేసింది ఆ వ్యక్తేనని తెలియగా పటాన్​చెరు పోలీసులకు సమాచారం అందించారు. నిందితుణ్ని అదుపులోకి తీసుకున్న పటాన్​చెరు పోలీసులు.. రిమాండ్​కు తరలించారు. డ్రైవర్ మహారాష్ట్రకు చెందిన మహదేవ్ బోరేగా గుర్తించారు. మద్యం సేవించడం వల్లే ప్రమాదం జరిగినట్లు తెలిపారు.

• ఇదీ చదవండి :రెమ్‌డెసివిర్‌ ఇంజక్షన్‌ పేరిట మోసం... వైద్యుడు, కాంపౌండర్‌ అరెస్టు