ఆర్మీ జవానుకు సైబర్​ కేటుగాళ్లు కుచ్చుటోపీ

సైబర్​ నేరగాళ్లు రోజురోజుకూ రెచ్చిపోతున్నారు. ప్రజల అవసరాలను ఆసరాగా చేసుకుని కుచ్చుటోపీ పెడుతున్నారు. తాజాగా ఓఎల్​ఎక్స్ పేరుతో ఓ ఆర్మీ జవాను నుంచి రూ.3.5 లక్షలు కాజేశారు.

సైబర్​ నేరగాళ్లు రోజుకో రీతిలో ప్రజలను బురిడీ కొట్టిస్తున్నారు. వీరి ఉచ్చులో చిక్కుకుని, డబ్బులు పోగొట్టుకుంటున్నవారి సంఖ్య అంతకంతకూ పెరుగుతోంది. తాజాగా హైదరాబాద్​కు చెందిన ఓ ఆర్మీ జవానుకు కేటుగాళ్లు గాళం వేశారు. తక్కువ ధరకే ద్విచక్రవాహనం విక్రయిస్తామంటూ ఓఎల్​ఎక్స్​లో ప్రకటన ఇచ్చారు.

దానిని కొనేందుకు సంప్రదించిన ఆర్మీ జవాను నుంచి వివిధ ఛార్జీల పేరుతో రూ.3.5 లక్షలు ఆన్​లైన్​ ద్వారా కాజేశారు. మోసపోయిన విషయం తెలుకున్న బాధితుడు హైదరాబాద్​ సైబర్​క్రైం పోలీసులను ఆశ్రయించాడు. పోలీసులు కేసు నమోదు చేసుకుని దర్యాప్తు చేస్తున్నారు.

ఇదీ చూడండి:ఫోర్జరీ దస్త్రాలతో బ్యాంకులను మోసం చేసిన భార్యాభర్తలు