కొవిడ్ చికిత్స పొందుతున్న నేవీ ఉద్యోగి ఆత్మహత్య.. కారణమేంటంటే?

ఏపీ విశాఖలోని ప్రైవేటు ఆస్పత్రిలో కొవిడ్ చికిత్స పొందుతూ ఓ వ్యక్తి ఆత్మహత్య చేసుకున్నాడు. ఆస్పత్రి గదిలోనే ఉరేసుకుని బలవన్మరణానికి పాల్పడ్డాడు. ఇంతకీ అతడు ఎందుకు చనిపోయినట్టు? ప్రేమే కారణామా? ఇంకా ఏదైనా సమస్యలున్నాయా?

మర్చంట్ నేవీలో సునీల్ అనే వ్యక్తి సీ మెన్​గా పని చేస్తున్నాడు. ఇటీవలే కరోనా రావడంతో ఏపీలోని విశాఖ కలెక్టరేట్ సమీపంలోని ఓ ప్రైవేటు ఆసుపత్రిలో చేరి చికిత్స తీసుకుంటున్నాడు.

కొద్ది రోజులుగా ఇతను.. ఓ అమ్మాయి విషయంలో వేధింపులు ఎదుర్కొంటున్నట్టు తెలిసింది. పెళ్లి చేసుకోవాలని భావించిన అమ్మాయే సునీల్‌పై కేసు పెట్టిందని బంధువులు చెబుతున్నారు. అదే సమయంలో కొవిడ్ రావడంతో మనోవేదనకు గురై ఆత్మహత్య చేసుకున్నాడని పేర్కొంటున్నారు.

• ఇదీ చదవండి :తెలంగాణలో ఆస్పత్రులు ఎంత భద్రం?