Murder over Non-veg: మాంసం ముక్కల కోసం గొడవ.. ఓ నిండు ప్రాణం బలి !

Murder over Non-veg: ఏపీలోని కడప నగరంలో దారుణ ఘటన చోటుచేసుకుంది. స్నేహితుల మధ్య తలెత్తిన మాంసం ముక్కల గొడవ.. హత్యకు దారి తీసింది. ఘటనపై కేసు నమోదు చేసుకున్న పోలీసులు నిందితులను అరెస్టు చేశారు.

Murder over Non-veg: మాంసం ముక్కల వద్ద మొదలైన గొడవ చినికి చినికి గాలివానగా మారి.. హత్యకు దారి తీసింది. పోలీసులు తెలిపిన వివరాల ప్రకారం.. ఏపీలోని కడపకు చెందిన స్నేహితులు శివ, షేర్‌ ఖాన్‌ మధ్య కొన్ని రోజుల క్రితం ఓ కార్యక్రమంలో మాంసం ముక్కల విషయంలో గొడవ జరిగింది. తనకు షేర్​ ఖాన్‌ ముక్కలు తక్కువ వేశాడని శివ గొడవ పెట్టుకున్నాడు. ఆవేశంతో షేర్‌ ఖాన్‌ను కత్తితో గాయపరిచారు.

తర్వాత కొన్నిరోజులకు షేర్‌ ఖాన్.. శివను ఫోన్ చేసి పిలిపించుకుని గొడవ పెట్టుకున్నాడు. మాటామాటా పెరగడంతో షేర్ ఖాన్ శివను గొంతు కోసి హతమార్చి.. స్నేహితుల సాయంతో మృతదేహాన్ని ఆటోలో తీసుకెళ్లి కేసీ కెనాల్ కాలువ పక్కన పడేశాడు. కేసు నమోదు చేసుకొని దర్యాప్తు చేపట్టిన పోలీసులు.. షేర్‌ఖాన్‌తోపాటు మరో ఇద్దరు నిందితులను అరెస్టు చేశారు.

ఇదీ చదవండి: