వివాహితపై ఎమ్మెల్యే గోపీనాథ్​ పీఏ హత్యాయత్నం.. తనకేం సంబంధం లేదన్న విజయ్

MLA Gopinath PA attacked a woman : జూబ్లీహిల్స్​ ఎమ్మెల్యే మాగంటి గోపీనాథ్​ పీఏ విజయ్ ఓ వివాహితపై దాడి చేశాడు. కత్తితో ఆమె గొంతుకోశాడు. అనంతరం అక్కడి నుంచి పరారయ్యాడు. ఈ ఘటనపై విజయ్‌ స్పందించారు. మహిళపై హత్యాయత్నం చేసింది తాను కాదని.. ఆ సమయంలో తాను ఇంట్లో ఉన్నానని తెలిపారు. తెరాసలో చురుగ్గా ఉంటున్నానని తనపై కుట్ర చేశారని ఆరోపించారు.

MLA Gopinath PA attacked a woman: హైదరాబాద్​ పంజాగుట్ట పోలీస్​స్టేషన్​ పరిధిలో జూబ్లీహిల్స్​ ఎమ్మెల్యే మాగంటి గోపీనాథ్​ పీఏ విజయ్..​ అర్ధరాత్రి వీరంగం సృష్టించాడు. కత్తితో ఓ వివాహిత గొంతు కోశాడు. అనంతరం అక్కడి నుంచి పరారయ్యాడు. గమనించిన కుటుంబసభ్యులు బాధితురాలిని చికిత్స నిమిత్తం హుటాహుటిన ఓ ప్రైవేట్​ ఆసుపత్రికి తరలించారు. ప్రస్తుతం ఆమె పరిస్థితి విషమంగా ఉన్నట్లు సమాచారం.

ఘటనపై సమాచారం అందుకున్న పోలీసులు కేసు నమోదు చేసుకుని దర్యాప్తు చేస్తున్నారు. ఇదిలా ఉండగా.. ఎమ్మెల్యే వ్యక్తిగత సిబ్బంది కావడంతో పోలీసులు కేసును తప్పుదోవ పట్టిస్తున్నారని బాధిత కుటుంబసభ్యులు ఆరోపిస్తున్నారు. మరోవైపు.. ఈ విషయంపై ఎమ్మెల్యే మాగంటి గోపీనాథ్​ను వివరణ కోరగా.. విజయ్​ తన పీఏ కాదని.. గతంలో ఓ కార్పొరేటర్ వద్ద పని చేశాడని చెప్పడం గమనార్హం.

నిందితుడు విజయ్​

పంజాగుట్టలో మహిళ గొంతు కోసిన ఘటనపై తెరాస నేత విజయ్‌ స్పందించారు. మహిళపై హత్యాయత్నం జరిగిన సమయంలో ఇంట్లో ఉన్నానని చెప్పారు. తెరాసలో చురుగ్గా ఉంటున్నానని తనపై కుట్ర చేశారని ఆరోపించారు. గతంలో బాబా ఫసియుద్దిన్ వద్ద ఉన్నానని.. బాబా ఫసియుద్దిన్‌ మోసాలు తెలిసి దూరంగా ఉన్నానని విజయ్ అన్నారు.

గతంలో బాబా ఫసియుద్దిన్‌.. ఓ మహిళతో తనపై కేసు పెట్టించారని తెలిపారు. పోలీస్ దర్యాప్తులో నిజాలు తేలుతాయని చెప్పారు. తన దగ్గర అన్ని ఆధారాలు ఉన్నాయని అన్నారు. బాధిత మహిళ ఫేస్‌బుక్ ద్వారా పరిచయమని తెలియజేశారు. వారం రోజుల క్రితం బాధిత మహిళ భర్త తనను కలిశారని పేర్కొన్నారు. ట్రాప్ చేయడానికి ప్రయత్నాలు జరుగుతున్నాయని సూరజ్‌ చెప్పారని తెరాస నేత విజయ్ వెల్లడించారు.

• ఇవీ చూడండి..ఆరు పదుల వయస్సులో ప్రియుడి మర్మాంగం కోసిన ప్రియురాలు..